Një gjeneral i Assad është piloti, i cili kreu sulmin me gaz sarin, ku mbetën të vdekur 90 civilë sirianë, mes tyre dhe shumë fëmijë
Mohammed Hasouri, një komandant i ushtrisë së Assad, u fotografua teksa gëzohej për sulmin e bërë një javë më parë.
Një deputet sirian postoi një foto në rrjetet sociale të gjeneralit Hasouri, i cili i jepte dorën gjeneralit Ali Abdullah, shefit të stafit të gjeneralëve të ushtrisë siriane.
Thuhet se deputeti përdori një emër të rremë të gjeneralit për ta mbrojtur atë, por fotot e mëparshme vërtetojnë që është gjenerali që sulme kimike ka zhvilluar edhe më parë.
Megjithatë, regjimi i Assad mohon akuzat se qëndrojnë ata pas sulmeve kimike që vranë qytetarët sirianë dhe se kishin bombarduar një depo armësh të ushtarëve xhihadistë.
